Ég hef ákveðið að gera stutta sögu langa:
Fór í kringluna í gær með bróður mínum, sem er kannski ekki
frásögu færandi en aftur á móti þegar við vorum að fara úr
kringlunni og ætluðum okkur í Smáralindina þá byrjaði fúttið.
Við löbbuðum semsagt út á bílaplan, á meðan við gengum var ég að
leita að bíllyklunum í veskinu mínu, aldrei ætlaði ég að finna þá
og set því aðra löppina upp á brettið á bílnum að aftan til þess að
leggja veskið á löppina á mér. (Þið hljótið að sjá þetta fyrir
ykkur enda mjög vel lýst) Á meðan hallar bróðir minn sér að
bílnum.
Á meðan ég setti löppina á bílinn að aftan og bróðir minn
hallaði sér að bílnum kom gamall maður á tiltögulega nýlegum Bens
jeppa og ætlar sér að leggja hliðina á bílnum mínum, stæðið var
svolítið þröngt en lét sá gamli það ekki aftra sér. En hann hefði
betur sleppt því að leggja þarna því sá gamli keyrir á bílinn minn.
Ég og bróðir minn litum á hvort annað því við bæði fundum fyrir því
og sáum hann keyra á kaggann okkar.
,,Ertu ekki að grínast?" spyr ég bróðir minn,
,,Hann keyrði á bílinn"
,,Ég fann fyrir því" Sagði bróðir minn, enda fór það
ekki framhjá neinum því bíllinn lyftist dágóða hæð frá jörðu.
Gamli maðurinn gekk út úr bílnum og ég labbaði til hans og segi
sísvona: ,,Fyrirgefðu, ég held þú hafir keyrt á bílinn
minn,,
,,Ha, nei það gerði ég ekki, ég fann ekki fyrir neinu,,
segir sá gamli. Ekki skrítið að hann hafi ekki fundið fyrir því
enda mjög gamall en samt gekk hann beint að staðnum á bílnum mínum
þar sem hann keyrði á. (vissi það pottþétt, bara að nota aldurinn
til þess að gabba).
,,Þetta er bara skítur, það er hægt að þrífa þetta af"
segir sá gráhærði.
,,Nei!!" segir bróðir minn ákveðinn ,, það er stór
rispa hérna á bílnum."
Síðan geng ég að bílnum hans og sé rispu á bílnum sem er í sömu
hæð og rispan á mínum bíl.
,,Það er rispa á bílnum þínu" segi ég við hann.
,,Já ég veit það, það er bara gömul rispa, það er líka hinu
megin" segir gamli, sem gaf það greinilega í skyn að hann væri
alltaf að keyra á. Því næst gengur hann í burtu.
Ég hringi þá beint í Óla og kemur hann stuttu á eftir og kíkir á
bílinn, eftir smástund kemur sá gamli aftur ásamt konunni sinni sem
hafði ekki verið með honum fyrst, hvort hann hafi bara pikkað upp
einhverja kellingu í Kringlunni, veit ég ekki. En Óli fer og talar
við hann og spyr hann hvort hann hafi keyrt á bíllinn, sá gamli
neitar bara og segir að rispan á mínum bíl væri gömul.
,,Heyrðu, þau sáu þig keyra á bílinn og fundum fyrir
því" segir Óli.
Þá kemur kellingin með einhvern derring.
,,Nei hann keyrði ekkert á, bíllinn var langt frá"
segir hún, bansettur lygarinn.
,,Heyrðu vinan, þú varst ekki einu sinni hérna" sagði
ég við hana, og voðalega móðgaðist sú gamla.
,,Eigum við ekki bara að gera skýrslu?" Segir Óli
,,Allavega að taka niður númerið"
Eitthvað muldrar kallinn en keyrir síðan í burtu. Þá var okkur
nú nóg boðið og hringdum við á lögguna og kom hún eftir 30 mínútur,
HELVÍTI lengi, en við fengum nú ekki neina venjulega löggu heldur
fengum við sérsveitina. Þeir voru búnir öllum hágæða vopnum og lág
við að þeir væru í skotheldum vestum.
Að lokum var hlegið að þessu því það er ekki á hverjum degi sem
sérsveitin kemur að bjarga manni því maður um sjötugt hafi keyrt á
mann. En þeir fóru síðan næst og handtóku manninn sem var með
mikinn mótþróa... nei kannski ekki alveg.
En mér fannst þetta allt saman rosalega erfitt því ég vorkenni
alltaf svo gömlu fólki og meira gömlum mönnum, þannig að ég gat
ekki verið leiðinleg og rifið kjaft.
En allavega eins og ég sagði áðan að þá ætlaði ég að gera stutta
sögu langa og tókst mér það ætlunarverk, en ekki veit ég hversu
margir lásu þessa sögu, það er allt annar hængur.
Mary B Thor